லிம்கா சாதனை புத்தகத்தில் இடம்பெறுகிறார் டோனி

இந்திய கிரிக்கெட் அணியின் கேப்டன் மகேந்திரசிங் டோனியின் புகழ் மகுடத்தில் மேலும் ஒரு மணிமகுடம் சேர்ந்துள்ளது.

அடுத்த ஆண்டு வெளிவர இருக்கும் லிம்கா சாதனையாளர் புத்தகத்தில் இந்தியா சார்பில் டோனியின் பெயர் இடம் பிடிக்க உள்ளது.

20&20 உலககோப்பை(2007ஆம் ஆண்டு), ஒருநாள் உலககோப்பை(2011ஆம் ஆண்டு) ஆகியவற்றை வென்ற ஒரே கேப்டன் என்ற பெயரை டோனி பெற்றுள்ளார்.

இந்த சாதனைக்காக அவரது பெயர் 2012ஆம் ஆண்டு ஜனவரி மாதம் வெளியாக இருக்கும் லிம்கா உலக சாதனையாளர்கள் புத்தகத்தில் இடம் பெற உள்ளது.

இந்த தகவலை லிம்கா புத்தக ஆசிரியர் விஜயா கோஷ் உறுதிப்படுத்தியுள்ளார். அவர் கூறும்போது, டோனி பெயரை நாங்கள் அடுத்த ஆண்டு ஜனவரி மாதம் வெளிவரும் புத்தகத்தில் சேர்த்துள்ளோம் என்று தெரிவித்தார்.