எனக்கு தல அஜித்தான் ரோல்மாடல் என்று புதுமுக நடிகர் ஜித்தேஷ் கூறி வருகிறார். ஏகன் பட சூட்டிங்கின்போது டைரக்டர் ராஜூ சுந்தரத்தின் நண்பரான ஜித்தேஷ் பணியாற்ற சென்றிருக்கிறார். அடிப்படையில் பைலட் படிப்பை முடித்திருக்கிறார் ஜித்தேஷ். படப்பிடிப்பில் தம்பி என்ன படிச்சுருக்கே? என்ற அஜீத் விசாரித்தபோது பைலட் படிப்பு என்று சொன்னதும் ஜித்தேஷின் நண்பராகிவிட்டார் அஜீத். நாளும் பொழுதுமாக ஹெலிகாப்டர், விமானம் என்று பிரித்து மேய்ந்திருக்கிறார்கள் இருவரும்.
அஜீத்தை பார்த்து அப்படியே மெல்ல மெல்ல நடிக்கிற ஆசையையும் வளர்த்துக் கொண்ட ஜித்தேஷ், இன்று ஒன்றல்ல, இரண்டு படங்களில் ஹீரோவாக நடித்துக் கொண்டிருக்கிறார். எல்லாம் அஜீத் போட்ட ஆர்வ சுழி! தலக்கோணம் என்ற படத்தில் இவருக்கு ஜோடி ரியா. மார்கழி திங்கள் என்ற படத்தில் இவருக்கு ஜோடி திஷா பாண்டே. இவ்விரு படங்களும் வேக வேகமாக வளர்ந்து வருகிறதாம். கூத்துப்பட்டறையின் முறையான நடிப்பு பயிற்சி பெற்று விட்டு நடிக்க வந்திருக்கும் ஜித்தேஷ், தல அஜித்தான் என் ரோல் மாடல் என்று பெருமிதமாக கூறி வருகிறார்.
No comments:
Post a Comment